Desisyon ng SC na ibalik ang ‘short-time’ sa motel pinalagan

MANILA – Nagbabala ang isang kongresista nitong Biyernes na tataas ang kaso ng prostitusyon, bawal na relasyon at paggamit ng ilegal na droga sa Maynila kasunod ng desisyon ng Korte Suprema na ibalik ang “short-time" o sandaling pananatili sa mga motel sa lungsod.

Hindi umano makapaniwala si Manila Rep. Bienvenido Abante sa naging pasya ng mga mahistrado ng SC na ideklarang ilegal at labag sa Saligang Batas ang ordinang ipinasa ng Kongreso ng Maynila 17-taon na ang nakararaan.

“The only intention of the city council of Manila is to protect the welfare of its constituents as provided for by the local government code. That ordinance does not in any violate the rights of individuals, to declare it unconstitutional is confusing and mind boggling. A motion for reconsideration is ought to be filed," ayon kay Abante, isang pastor.

Iginiit ni Abante na dapat maghain ng mosyon si Manila Mayor Alfredo Lim upang hindi maalis ang ordinansa.

Una rito, sinabi sa desisyon ng SC na nilalabag ng ordinansa ang constitutional right ng mga taong nais pumasok sa mga motel at maging ang karapatan ng mga may-ari ng motel.

Kinatigan din ni Citizens Battle Against Corruption party-list Rep. Joel Villanueva, anak ng evangelist leader na si Eduardo “Bro. Eddie" Villanueva ng Jesus is Lord Movement (JIL), ang posisyon ni Abante.

“According to them, there is no direct study about it (prostitution at illicit affair), but it’s very obvious that this would encourage it if not promote illicit sex," ayon kay Villanueva.

Naniniwala naman si Zambales Rep. Maria Milagros Magsaysay na hindi kayang pigilan ng naturang ordinansa ang mga bawal relasyon dahil maaari pa rin itong mangyari kahit sa mga malalaking hotel.

“Whether short or long (stay), it will not stop couples from availing of its services. Illicit affairs or drugs can occur anywhere even in five star hotels and the likes," paliwanag niya.

Suportado naman ni Gabriela party-list Rep. Liza Maza ang desisyon ng SC at binatikos pa si Mayor Lim na kilala umano sa paglabag sa mga karapatang pantao.

“I agree with the SC decision. Lim’s ban in 1992 is violative of basic private rights. SC decision is a clear message to government officials not to abuse their power and encroach on private rights. Prostitution and illegal drugs can be addressed thru effective law enforcement and solving roots of their proliferation," ayon sa kongresista.